PROPOSTA DE TRABALLO PARA A SEMANA DO 1 AO 5 DE XUÑO

Benvidos/as a unha nova semana, a primeira do mes de xuño. Damos comezo a conta atrás, xa non queda nada... así que MOITO ÁNIMO!

PDF FICHAS SEMANAIS

Enlace á proposta semanal

Que teñades unha proveitosa semana! Vémonos o xoves 4! 😉

PROPOSTA DE TRABALLO PARA A SEMANA DO 25 AO 29 DE MAIO

Comezamos a última semana do mes de maio... con forza? Espero que así sexa! Engádovos a continuación a proposta de traballo para esta semana.

PDF FICHAS SEMANAIS

Enlace á proposta semanal

Que teñades unha moi boa semana! Vémonos o xoves! 😊

RETO MUIÑEIRA - III PARTE

Terceira entrega do reto Muiñeira... A que estades esperando? Dádelle ao play e a bailar!

Segundo vídeo RETO MUIÑEIRA

Primeiro vídeo RETO MUIÑEIRA

Ánimo e aproveitade estes días solleiros e despexados!!! 

PROPOSTA DE TRABALLO PARA A SEMANA DO 18 AO 22 DE MAIO

Unha semana máis déixovos a proposta semanal para realizar as tarefas pertencentes á sexta semana do terceiro trimestre.

PDF FICHAS SEMANAIS

PDF FICHA DE VALORES SOCIAIS E CÍVICOS (alumnado desta materia)

Enlace á proposta semanal 

Inclúovos outro documento de termos en castelán/galego, neste caso referido á escola, por se fora do voso interese

PDF TERMOS EN CASTELÁN/GALEGO (A ESCOLA)

Que teñades unha semana estupenda! Espérovos o xoves e contádesme! 😉

RECOMPILACIÓN DE REFRÁNS GALEGOS - LETRAS GALEGAS 2020

A continuación podedes botarlle un ollo á recompilación de refráns galegos que fixemos coa vosa colaboración para conmemorar o Día das Letras Galegas, que este ano cae en domingo. Xa veredes que fermosura..!

MATERIAL DAS LETRAS GALEGAS 2020

Déixovos unha pequena selección de materiais para coñecer máis e mellor a figura de Ricardo Carballo Calero, o autor homenaxeado este ano polo Día das Letras Galegas 2020. 

1. Conto "As pitas baixo a choiva" (para ler en rede)

2. Actividades para 2º de educación primaria sobre o autor e a súa obra

3. Actividades con pictogramas

4. Actividades en liña

5. Debuxos para colorear

6. Marcapáxinas para imprimir

Todo o material que aquí se presenta está recollido do Seminario Galán, así como da páxina web Primavera das Letras.

RECEITAS DE COCIÑA RICAS E SAUDABLES - 6ª ENTREGA

Nesta ocasión presentamos estas deliciosas pastas de té para acompañar cunha cunca de leite no almorzo ou como aperitivo da merenda de media tarde. Estrelas, corazóns, rombos, trevos de catro follas, lúas,... que figura escollerías?

A cociñeira Carla amósanos o resultado das súas ricas "Pastas de té"

COCIÑEIR@S CON ESTRELAS MICHELÍN!!! 🌟🌟🌟🌟🌟

Alguén máis se anima?

PROPOSTA DE TRABALLO PARA A SEMANA DO 11 AO 15 DE MAIO

Xa estamos no ecuador deste terceiro trimestre. Como vén sendo habitual déixovos a proposta de planificación do traballo relativo a esta semana, así como un PDF con algunhas fichas. Ánimo!!!

PDF FICHAS DE TRABALLO SEMANAL

Enlace á proposta de traballo semanal PDF

Dado que algúns dos erros que se producen na realización dos traballos teñen que ver coa confusión de palabras nas dúas linguas oficiais (castelán e galego), déixovos esta pequena "chuleta" de termos en castelán e en galego sobre os animais, por se fose do voso interese. 

PDF TERMOS EN CASTELÁN/GALEGO (OS ANIMAIS)

Que teñades unha moi boa semana! 😊

Refraneiro popular galego para as LETRAS GALEGAS

O vindeiro domingo día 17 de maio é o DÍA DAS LETRAS GALEGAS. Para celebrar dita conmemoración presentamos a seguinte proposta (copiado da páxina web do centro): 

Dado que a vindeira semana deberiamos celebrar as Letras Galegas, dende os equipos de DLG e ACE solicitamos a vosa colaboración para que gravedes un breve vídeo, no que se escoite aos vosos fillos/as recitando un refrán popular galego e, como fondo, se vexa unha composición artística relativa ao refrán. É dicir, se por exemplo falase de flores, poderías por a imaxen dunhas flores do voso xardín, das que teñades nun xarrón, etc, se tratase sobre a costura poderían aparecer de fondo teas, tesoiras, dedais, agullas…

Por suposto, nas composicións que decidades facer para que aparezan como fondo da voz do voso neno/a recitando o refrán galego que escolleras, poderedes empregar os materiais que queirades. Pero, lembrade que non deben verse persoas nos vídeos que nos enviedes. Logo, con eses vídeos editarase outro que agardemos recolla boa parte do refraneiro popular galego.

DATA LÍMITE DA RECEPCIÓN DOS VÍDEOS: xoves 14 de maio

ENDEREZO: actividades.ceip.outes@gmail.com

ANIMÁDEVOS A PARTICIPAR. AGARDAMOS OS VOSOS VÍDEOS !!!

RECEITAS DE COCIÑA RICAS E SAUDABLES - 5ª ENTREGA

Onte chegounos esta receita de cociña e, pola imaxe, debía de estar ben boa porque tan só queda a metade..!😋 Así de paso vemos como quedou por dentro... Este biscoito ten pinta de estar tan brandiño e esponxoso... 

A proposta de Iker Gil é este fabuloso "Biscoito de limón" 

COCIÑEIR@S CON ESTRELAS MICHELÍN!!! 🌟🌟🌟🌟🌟

Alguén máis quere compartir a súa receita de cociña?

RECEITAS DE COCIÑA RICAS E SAUDABLES - 4ª ENTREGA

Porque comer é moito máis que alimentarse, presentamos estas dúas propostas que de seguro vos cativarán tan só con velas imaxes...

O cociñeiro Gabriel quere deleitarnos con esta "Pizza caseira"

.........................................................................................

O cociñeiro Mateo preséntanos esta exquisita "Torta de queixo"

COCIÑEIR@S CON ESTRELAS MICHELÍN!!! 🌟🌟🌟🌟🌟

E vós, que receita queredes compartir?

PROPOSTA DE TRABALLO PARA A SEMANA DO 4 AO 8 DE MAIO

Comezamos a 4ª etapa (semana) dun total de 10 que contén este terceiro trimestre. Con ganas? Ímos aló!

Esta semana, como novidade, hai algunha proposta de traballo que inclúe o uso dos cadernos para escribir. No seguinte enlace podedes descargar as fichas pertencentes a esta semana:

PDF FICHAS DE TRABALLO SEMANAL

Como é habitual inclúovos á proposta semanal a modo orientativo.

Enlace á proposta de traballo semanal PDF

Que teñades unha moi boa semana! Vémonos o xoves! 💻

MAIO, O MES DAS FLORES

Comezamos o quinto mes do ano, o mes das flores, co resultado das imaxes que mandáchedes para festexar o Pampallín. Podédelas ver no seguinte enlace:

PAMPALLÍN 2020

E acorde con esta conmemoración déixovos esta fermosa canción dun poema musicalizado de Curros Enríquez:

E, feliz Día da Nai!